Nabdoon Cabdulqaadir Mannoor.

03/04/08
Nabadoon Cabdulqaadir Manuur Amiyo - Afhayeenka Beesha Tunni Shangamaas iyo Tunni Toore.    

Xaflad aad u ballaaran,si heer sare loo agaasime laguna soo dhoweynaayo Suldaan Faqi S.Faqi
Iyo wafdiga horkacaayo oo dhowaan loo dortay in uu noqdo suldaanka Beesha Tunni-Shangamaas iyo Tunni Toore  oo  ku  nool  gobolada  Shabeelhoose, Jubada dhexe,  Jubada hoose.

Xafladda taageerida iyo soo dhoweynta Suldaanka waxaa ka soo qeybgalay dhammaan odedhaqameedka,aqonyahaanada,culamaau’ddiinta,dhalinyaradda iyo haweenka beesha shangamaas  oo  dhan, qoomiyadda mujtamaca  digil/mirifle  iyo  guud  ahaan    marti sharaf    ka mid ah jaaliyadda Soomaaliyed ee  ku nool  magaaladda  Manchester (UK).

Suldaanka  Cusub  waxaa taageere aqlabiyadda dadka u dhashay beesha Tunni-Shangamaas,
Tunni/Toore  ee  ku  nool  wadanka  gudahiisa  iyo  dibadiisa.

Suldaan Faqi Said Faqi  waxaa lagu yaqaana  firfircoon,  karti dheeraad , asluub wanaag, asagoo ku dheer xiriiriinta bulshoweynta (Public-Relation).

Waa halyeey, geesi Soomaaliyed naftiisa u hure si qeyb uga qaadi lahaa dhaqdhaqaaqa siyaasadeed wadanka ka socoto, xasilinta iyo soo celinta dowladnimada  iyo  kala dambeynta  gobolka  shabeelaha  hoose  iyo  deegaanada  hoos yimaadan  ee  dulmiga iyo dhibka weligii la arag  mudada dheer ku soo jiray.

Waa danjire si caddaalad u adeegi doona shacabka gobolka Shabeelaha hoose iyo deegaanada hoos yimaadan hagar la’aan si kalsoonida,qadiyadda ,masiirka iyo rajada shacbiga gobolka dib  loo soo celin lahaa.

Anigoo  ku  hadlaaya  magacaygi  iyo magaca beesha Tunni-Shangamaas iyo Tunni Toore waxaa  aan cambaaraynaaya  mikiilaha  iyo  tafaftiraha  websitka  baraawepost  qoraalada shacabkeena lagu jihawereerinaayo,  caado iyo  dhaqan  midna  u lahayn  ee   dadka  walaalaha la  kala fogeeynaayo  iyadoo  marxalad adag  kala guur  lagu jiro  oo loo baahanyahay  tanaasul  iyo   in  la  adkeeyo  midnimada  beesha Tunni Shangamaas mustaqbalka.

Ragaan waxaan u arkeynaa in ay yihiin qaran dumis kuwaaso u horseeday shacabka deegaanka  bur-bur,nidaam darro, fowdo aan dhammad lahayn iyo qaranimo luntay ,garab iyo awood Xaddhaaf siinaayan qabaailka xoog ku haysto gobolka iyo degaanka baraawe

Waxaana kula talinaynaa in- DADKOODA  DHINAC  KA RAACAN.

Dhambaalka Suldaan Faqi Said Faqi ka sito shacabka gobolka iyo deegaamada hoos yimaadan ee ku nool wadanka gudahiisa iyo dibadiisa loona gudbinaayo madaxda ugu sareeya dowladda federaalka kumeelgaarka iyo wasiirka arimaha gudaha dowladda Federaalka kumeelgaarka waxaa ugu muhimsan qodobadan hoos ku qoran:

1. Shacabka Gobolka Shabeelaha  hoose iyo deegaanada hoos yimaadan 100%ayaa DFKS taageersanyihiin.Waxaan madaxda Sare ee dowladda ka codsanaayan in qaanuunka iyo axdiqarameedka dowladda federaalka la xurmeeyo laguna dabaqo sida gobolada kale ee soomaalia lagana daayo xilalka loo magacaabaayo raga aan u dhalan  17 sano dhibka iyo dulmi shacabka ku haayen.

2. Waa in la kala diraa (Disband) maliishiyadda qabaailka xoog ku haysto gobolka  iyo degmooyinka hoos yimaadan oo dhib ,dulmi iyo cadaalad darro shacabka ku haayan  waqtigan xaadirka dowlad iyo calan soomalia saaran.

Waxaa aan codsanaynaa DFKS si cadaalad in datuurka federaalka ku dabaqdo gobolkan 
sida gobolada kale ee jamhuuriyadda Soomaaliya  faragelin la’aan.

3. In Maamulka Gobolka iyo degmooyinka dadka u dhashay , xildhibaanada qaranka wakiilka  ka ah barlamaanka ka tashadan si doorasho lagu doorto dadka shacabka hogaamin lahaa sida dastuurka waafaqsan.

Inta kor ku xusan waa xaqa shacabka gobolka shabeelaha hoose iyo degmooyinka hoos yimaadan DFKS ka tabanaayan in ay saxdo loona madaxbaneeyo gobolkooda faragelin la’aan sida gobolada kale ka mid ah jamhuuriyadda  soomaaliya iyado la raacaayo  dastuurka federaalka iyo axdiqarameedka DFKS ku dhisan.

Anigoo ku hadlaayo magaca beesha Tunni Shangamaas iyo Tunni Toore oo dhan waxaa u
Duceynaynaa Suldaanka  inuu Ilaahay  u  fududeeyo  gudashada  howsha  adag  sida  waafaqsan diinta islaamka iyo qawaaniinta caalamiga.

Wa billaahi Towfiiq.
Nabadoon Cabdulqaadir Manuur Amiyo
Afhayeenka Beesha Tunni Shangamaas iyo Tunni Toore.